Partitë i harrojnë qytetarët pas zgjedhjeve

kumanovo

Janë të ndryshme historitë në të cilat hasin vëzhguesit e Civilit anembanë vendit gjatë kryerjes së punës së tyre. Dhe ato jo gjithmonë janë thjesht evidentim i parregullsive, shkeljeve, presioneve… Shpesh janë më shumë se statistikë, janë rrëfime jetësore, gjithsesi të lidhura me zgjedhjet dhe partitë, me ato që shpesh vrazhdë ua dirigjojnë fatin njerëzve, familjeve.

Të burgosurve u privohet e drejta e votimit

zatvor_glasanje

Civili arriti të marrë të dhëna të tjera për privimin nga e drejta e votimit të të burgosurve. Bashkëshortja e një personi i cili është në burgun hetues Shkup në Shuto Orizare, dëshmon se në ditën e votimit për rrethin e parë të zgjedhjeve presidenciale, bashkëshorti i saj nuk ka qenë në Listën Zgjedhore. Gjatë bisedës me të gjatë vizitës pas rrethit të parë të votimit, ai i ka treguar se edhe katër persona të tjerë me të cilët është në komunikim të përditshëm, nuk kanë mundur të votojnë atë ditë, sepse nuk kanë qenë në Listën Zgjedhore.

Sjellje e çuditshme ndaj rregullave të rrepta nga ana e këshillave zgjedhorë

dik

Vëzhguesit ditën e votimit evidentuan shkelje flagrante të Ligjit Zgjedhor nga ana e këshillave zgjedhorë, me shkeljen e privatësisë së votuesve dhe fshehtësisë së votimit, duke i lexuar me zë numrat amë dhe të dhënat personale të qytetarëve. Një lajm frapant na arriti nga një vendvotim në një fshat të Shkupit, për bashkëpunim gjatë parregullsisë zgjedhore të anëtarëve të këshillit zgjedhor. Një anëtar i këshillit zgjedhor një qytetari i ka dhënë dy fletëvotime dhe pas votimit të kryer, asnjë nga anëtarët e tjerë nuk ka bërë ankesë për këtë gjë.

KShZ dhe Gjyqi Administrativ i refuzuan shkresat për votues të paqenë

izbori-glasachi

Komisioni Shtetëror Zgjedhor (KShZ) dhe Gjyqi Adminstrativ i hodhën poshtë shkresat e LSDM-së, e cila dyshonte se 20.000 të ndjerë apo persona të zhvendosur gjenden në Listën Zgjedhore, në 22 komuna në Maqedoni. LSDM, kur i dorëzuan shkresat, shprehu dyshime se bëhet fjalë për njerëz të ndjerë, persona të cilët janë shpërngulur përgjithmonë apo persona të cilët nuk jetojnë në adresat e regjistruara në Listën Zgjedhore.

PDSH: Funksionarët e BDI-së të zhytur në korrupsion

IMG_4282_resized

Bekim Fazliu, deputet nga radhët e Partisë Demokratike Shqiptare (PDSH), dorëzoi dokumentacion në Komisionin për Anti-korupsion, me të cilat, siç thotë ai, dëshmohet zhytja e funksionarëve të BDI-së në korrupsion. Fazliu akuzoi ministrin e drejtësisë Blerim Bexhetin dhe drejtorin e postës Rafiz Halitin për krim dhe hajni.