Македонски
Shqip
English
Со силно полициско обезбедување и со пиштоли на готовс, приведен е возачот и совозачот на комбето на Шарената револуција, непосредно по завршувањето на денешниот протест под мотото „Хорхе, ти си срам за Македонија!“. Тие се приведени во полициската станица „Пролет“.
Полиција и вооружени цивили ги приведуваат Шарените револуционери
За време на протестот, меѓу полицајците во кордонот кој ја обезбедуваше Триумфалната имало припадници на припадници на Единицата за брзо распоредување (ЕБР), а во ГТЦ забележани се вооружени цивили.
Во моментов, пред полициската станица Пролет се собираат активисти во знак на поддршка на приведените.
Вооружени цивили со исукани пиштоли има и пред полициската станица.
Поддржувачите на Шарената револуција веднаш почнаа да се собираат пред ПС „Пролет“
(Фотографиите и првичните информации ги добивме од граѓанската новинарка Наталија Попоска. Набљудувач на ЦИВИЛ ги потврди информациите од лице место.)
Оваа содржина се објавува во рамките на четвртиот циклус од натпреварот „Биди граѓански новинар“ на проектот „Граѓански објектив“ на ЦИВИЛ, поддржан од National Endowment for Democracy. Содржината на овој прилог е минимално редактирана од редакцијата на ЦИВИЛ Медиа, соодветно на концепцијата на проектот и на веб страницата.
