ZGJEDHJE TË LIRA PËR SHOQËRI TË LIRË

Zgjedhje lokale 2017: Çfarë parapriti, çfarë duhet bërë, cilat janë rreziqet para nesh?

CIVIL -Qendra për Liri organizon konferencë nën titullin “Zgjedhje të lira për shoqëri të lirë”, në të cilën fton ekspertë, analistë dhe përfaqësues të shoqërisë qytetare ti prezantojnë gjetjet dhe rekomandimet e tyre për procesin zgjedhor, sidomos në periudhën tre javore të fushatës zgjedhore zyrtare. Konferenca do të tentojë të përgjigjet në pyetjen: Çfarë parapriti, çfarë duhet bërë, dhe cilat janë rreziqet para nesh, në kontekstin e zgjedhjeve lokale në Republikën e Maqedonisë?

Konferenca do të mbahet më 25 shtator (e hënë), nga ora 11 deri ora 13, në ambientet e Klubit të gazetarëve. Ky aktivitet është pjesë e projektit Media të lira për shoqëri të lirë, i mbështetur nga Ministria Federale për  Punë të Jashtme e Republikës Federale të Gjermanisë.

Folëse dhe folës të konfirmuar: Ekselenca e Tij Tomas Gerberih, Ambasador i Republikës Federale të Gjermanisë, Kris Hensho – Drejtor i Institutit Nacional Demokratik (NDI), Zoran Trajçevski – Drejtor i Agjencisë për shërbime audio dhe audio vizuale mediatike, prof. Mirjana Najçevska – eksperte për të drejtat e njeriut, prof. Osman Kadriu – profesor universitar, prof. – Sasho Ordanoski – analist politik, profesor universitar dhe anëtar i Bordit të Ekspertëve të Civilit, Sandra Gavrillovska – avokate, ekseprte juridike dhe anëtare e Bordit të Ekspertëve të Civilit, Aleksandar Novakoski – avokat, ekspert juridik, president i mëparshëm i KSHZ dhe anëtar i Bordit të Ekspertëve të Civilit, Dragan Malinovski – avokat, ekspert juridik dhe president i mëparshëm i Komisionit Shtetëror për parandalimin e korrupsionit, Bllagica Dimitrovska – Presidente e Inkluziva – shoqatë për promovimin dhe zhvillimin e shoqërisë inkluzive, Xhabir Deralla – CIVIL. Priten përgjigje nga edhe disa folës të ftuar.

Informata plotësuese

CIVIL – Qendra për Liri e vëzhgon procesin zgjedhor nga fillimi i vitit. Vëzhgimi zbatohet përmes vëzhguesve afatgjatë, si dhe përmes rrjetit të bashkëpunuesve të aktivistëve, korrespondentëve dhe gazetarëve qytetarë. Për vëzhgimin në ditën e zgjedhjeve, Civili do të akreditojë së paku 106 vëzhgues.

Vëzhgimi zgjedhor i Civilit është i mundësuar përmes projekteve që përfshijnë aspekte zgjedhore, ose janë të dizajnuara posaçërisht për atë qëllim. Aktivitetet e Civilit lidhur me vëzhgimin e zgjedhjeve lokale në Republikën e Maqedonisë në vitin 2017 financohen nga Ministria Federale për Punë të Jashtme e Republikës Federale të Gjermanisë, Fondacionit Nacional për Demokaraci (National Endowment for Democracy), dhe USAID's Civic Engagement Project. Për çdo burim plotësues të financimit, Civili do ta informojë opinionin menjëherë.