Konferencë rajonale për sulmet mbi demokracinë dhe të drejtat e njeriut

“Sulmet mbi demokracinë dhe të drejtat e njeriut: Udhëheqësit ekzekutivë në mbështetje të shoqërive të Ballkanit Perëndimor përballen me dezinformata, gjuhë të urrejtjes dhe sulmet hibride”, është konferencë rajonale, e organizuar nga CIVILi në bashkëpunim me Ballkan Forum, anëtarë të Platformës së Shoqërisë Civile për Demokraci dhe të Drejtat e Njeriut. Konferenca do të mbahet më 28 korrik, 2021, 11:00-13:30, në hotelin Park Residence&Spa, Shkup, Maqedonia e Veriut.

Kjo konferencë do të jetë e para në serinë që do të organizohen nga anëtarët e CSP deri në dhjetor 2021.

CIVILi do të organizojë  konferencë 150 minutëshe me pjesëmarrje të kombinuar (online dhe fizike), të ndarë në dy seanca. Çdo sesion fton ekspertë të shquar dhe aktorë të shoqërisë civile, të flasin mbi temat që lidhen me temën e Konferencës, pas së cilës do të vijojë diskutim.

Pjesëmarrësit në sesionet do të përqendrohen në dy pyetje: Si dezinformimi po e shtrembëron diskursin publik dhe inkurajon retorikën fyese dhe gjuhën e urrejtjes? Dhe: Si sulmet hibride po shtrembërojnë diskursin publik dhe  i rrezikojnë demokracitë.

Panelistët do të ndajnë njohuritë dhe pikëpamjet e tyre mbi llojet dhe burimet më të shpeshta të dezinformimit, gjuhës së urrejtjes dhe sulmeve hibride; si institucionet dhe shoqëritë po merren me këto çështje / dukuri, dhe cilat janë praktikat më të mira që janë dëshmuar të jenë të suksesshme.

Gjuha e punës në ngjarjen është Angleze. Do të transmetohet online, ndërsa artikujt e mediave do të përkthehen nga CIVILi dhe Ballkan Forum, dhe do të titrohen në gjuhët që fliten në rajonin tonë.