ОТВОРЕНИ ДЕНОВИ СО „СИТЕ БОИ НА МОЈАТА ЗЕМЈА“

Активностите во рамките на проектот „Сите бои на мојата земја“ продолжуваат идната недела во општина Карпош со отворени денови, кои веднаш потоа ќе се пренесат и во неколку други општини во Скопје и низ Македонија

Едукативниот проект на Цивил – Центар за слобода „Сите бои на мојата земја“ продолжува идната недела со отворени денови, првично во општина Карпош, а потоа и во неколку други скопски општини и градови низ Македонија.

Цивил на денешната (петок, 13.09.) прес-конференција одржана во „ Libraria e Çarshisë “ („Книжарница на Чаршијата“) во Старата Скопска Чаршија, информираше и за досегашните активности во рамките на овој проект, чија целна група се децата и младите, родителите и наставниот кадар, а кој има за цел јакнење на јавната свест за човековите права и толеранцијата.

Досега е реализиран конкурс за ликовни и литературни творбиза деца и млади на возраст од 10 до 18 години. Најдобрите творби ги избра стручно жири на Цивил, а над 50 младите автор(к)и на избраните дела учествуваа на трите летни креативни школи и тоа зафилмска продукција, ликовни уметности и креативно пишување кои се одржаа во Охрид во јули.

Во следната фаза на проектот, на отворените денови низ општините, ќе се реализираат нови ликовни работилници како со досегашните, така и со многу нови учесници. Понатаму, ќе се одржат и предавања за човековите права и толеранцијата, изложби, а ќе се работи и со родители и наставен кадар. Освен тоа, ќе бидат доделении сертификати за младите учесници на школите за креативно изразување, како и благодарници за менторите и училиштата кои придонесуваат за успешна реализација на „Сите бои на мојата земја“.

Претстои реализација на другите проектни компоненти, меѓу кои интерактивни предавања посветени на човековите права и толеранцијата, продукција на документарни и видео- арт филмови чии автори ќе бидат млади и неколку мултимедијални изложби.

Со овој проект, како што рече на прес-конференцијата претседателот на Цивил Џабир Дерала, организацијата останува посветена на подобрување на состојбите во образовниот процес во земјава. Тоа, пред сé, се однесува наедукацијата за човековите права, како и за толеранцијата, особено во доменот на меѓуетничките односи.

Проектот „Сите бои на мојата земја“ го имплементира Цивил- Центар за слобода, поддржан е во рамките на програмата CivicaMobilitas. Оваа програма јафинансира Швајцарската агенција за развој и соработка (СДЦ) и ја имплементира Центар за институционален развој (ЦИРа). Проектот е можност да се започне со создавање амбиент во кој во кој ќе се цени креативноста и слободата на духот, наспроти нетолеранцијата, омразата, насилството и дискриминацијата кои се карактеристика на денешницата на Македонија.

Анушка Цветковска