„Спонтано“ чистење на пораките од ОК на ВМРО ДПМНЕ - „Центар“

На 21 април 2016 година во Скопје се одржа контра-протест организиран од Граѓанско движење за одбрана на Македонија - ГДОМ. Неколку часа пред контра-протестот, пораките „СЈО“, „Грујо црко да бог да..!!!“, „Зоран Заев“, „Да ве е..м ВМРО“, коишто беа испишани на објектот на ОК на ВМРО ДПМНЕ - Центар што се наоѓа спротив ТЦ „Палома бјанка“, беа избришани од двајца партиски активисти.

[youtube]https://www.youtube.com/watch?v=QtmyH9dknQU[/youtube]

Пораките беа испишани неколку дена претходно од демонстрантите на Шарената револуција. Партиските активисти откако ги избришаа пораките, се фотографираа дека ја завршиле работата и си заминаа.

Дел од присутните граѓан(к)и кои го следеа целиот настан, коментираа: „Мора прво да бришат и пишуваат пораки, да лепат плакати, да одат на митинзи и контра-протести…, а откако ќе се 'докажат' дека и се верни на партијата, можеби ќе ги направат и државни службеници“.

Хадис Сулејман

Оваа содржина се објавува во рамките на третиот круг од натпреварот „Биди граѓански новинар“ на проектот Граѓански објектив на ЦИВИЛ, поддржан од National Endowment for Democracy. Содржината на овој прилог е минимално редактирана од редакцијата на ЦИВИЛ Медиа, соодветно на концепцијата на проектот и на веб страницата.