Македонски
Shqip
English
Пратеничката група на СДСМ бара од претседателот на Собранието на Македонија, Трајко Велјановски да закаже итна собраниска седница, на која ќе се изгласаат корпус мерки за помош на настраданите семејства и за спречување на опасноста од појава на заразни болести.
„На околу 50.000 жители од поплавените подрачја им е потребна итна помош. Ги бележиме сите пропусти во организацијата и распеделбата на хуманитарните пратки, но сега не е време за политика. Секој од нас, треба да биде со семејствата кои се соочуваат со сериозни проблеми. Ги повикувам сите пратенички групи да ја поддржат иницијативата на СДСМ, а претседателот на Собранието, Велјаноски во рок од 24 часа може да го одобри барањето“, рече Петре Шилегов, портпарол и пратеник од СДСМ, на денешната прес-конференција.
[youtube width="600" height="344"]https://www.youtube.com/watch?v=U26KgxyY82o[/youtube]
Тој посочи сет мерки за здравствена заштита на граѓаните, за пренасочување на буџетски средства, за прекин на работата по водостојот на реките каде тоа не е нужност и пренасочување на сите сили и ресурси во поплавените подрачја.
М. Талеска
