ВИДЕО: Концертот на Караванот на слободата во Тетово достапен на Јутјуб

Концертот на Караванот на слободата кој се одржа во Тетово на 26 август донесе одлични настапи на повеќе музички групи и атрактивни видео записи. Тие се достапни на YouTube каналот на ЦИВИЛ – Центар за слобода. 

Ги објавуваме настапите на К'пурдат, Мухамед Ибраими, Пеце (Суперхикс) и Бени и Нон Стоп, со цел да им овозможиме на сите љубители на добрата музика да ја почувствуваат извонредната атмосфера од музичкиот дел на мултимедијалниот настан на Караванот на слободата во Тетово.

ЦИВИЛ ќе ги објави видео записите од сите концерти, поетски перформанси, работилници и дебати на Караванот на слободата, кој од почетокот на август до крајот на септември годинава ја крстосува Македонија, промовирајќи ги човековите права и слободи и активното учество на граѓаните во процесите на донесување одлуки.