И во Капиштец гласачи во непостоечки влезови

Набљудувачите на Цивил утврдија дека во Избирачкиот список се наоѓаат гласачи кои, освен на претходно наведените адреси во населбата Кисела Вода, живеат во непостоечки станови во непостоечки влезови и во скопската населба Капиштец.

Непостоечките влезови се на улица Народен фронт, во споменатата населба во општина Центар. Конкретно се работи за влезовите под реден број  од 12 до 34. Луѓе од овие влезови гласаат на избирачко место 2810. влез 6, 8 и 52 кој е под избирачко место 2808, а од влезовите 2 и 4 кои на избирачко место 2807. Сите згради на улица „Народен фронт“ во Капиштец имаат непарни броеви! На страната на парните броеви има автобуска страница, цветен пазар, паркинзи, монтажна гаража, автоперални и ресторанот „Воденица„. Избирачките места се наоѓаат во ДЗУ за рехабилитација и образование Св Наум Охридски, на улица Васил Ѓоргов ББ (во близина на Завод за вработување).

За овие сознанија Цивил упати претставка до Државната изборна комисија, која вечерва „одговори“ дека во нашата претставка недостасуваат имиња и матични броеви на лица кои евентуално живеат на овие непостоечки адреси.