ЦИВИЛ денеска во Полог

ЦИВИЛ – Центар за слобода, продолжува со караванот НАПРЕД! Тимот на ЦИВИЛ денеска е во Тетово, Јегуновце, Врапчиште и Гостивар.

Еден од мобилните тимови за мониторинг и поддршка на ЦИВИЛ ќе биде на градскиот плоштад во Тетово, од 11,00 до 13,00 часот, каде што ќе ги информираат тетовчани за активностите во рамките на проектот „Напред!“ и за можноста да аплицираат за набљудувачи. На настанот ќе се делат информативни и едукативни материјалина македонски и албански јазик, ќе се разговара со кандидатите за изборни набљудувачи од овој град и ќе се информираат сите заинтересирани за активностите на ЦИВИЛ.

                                             Кичево, 28 февруари 2016

Во периодот од 14,30 до 15,30 часот, мобилните тимови на ЦИВИЛ ќе бидат на плоштадите во Јегуновце и Врапчиште, со истата агенда. Од 16,00 до 18,00 часот, мобилниот тим на ЦИВИЛ ќе биде на плоштадот во Гостивар.

Тимовите на ЦИВИЛ ќе бидат на располагање за изјави за медиумите, како и за разговори за размена на информации со претставниците на граѓанското општество и политичките партии кои претходно се информирани и поканети. Исто така, заинтересираните граѓанки и граѓани, ќе имаат можност да учествуваат во фото-петицијата „За слободни избори“, и видео петицијата со порака: “Напред”.

ЦИВИЛ спроведува целосен, сеопфатен, непристрасен и објективен мониторинг на подготовката и на текот на целиот изборниот процес и на почитувањето на гласачкото право. Во тек се активности за селекција, ангажирање и едукација на долгорочни, краткорочни и граѓански набљудувачи на изборниот процес во Република Македонија.

Со стотици акредитирани набљудувачи, над 1.000 граѓански набљудувачи и врвен тим на аналитичари и експерти, „Напред!“ е проект за долгорочен мониторинг на изборниот процес, набљудување на денот на изборите, едукација и јакнење на јавната свест за правата на гласачите.

Проектот се спроведува на национално ниво во 14 регионални центри на ЦИВИЛ.

Проектот „Напред!“, кој започна во јануари и ќе трае седум месеци, се финансира со германски средства од Пактот за стабилност на Југоисточна Европа.

Како и досега, заедно со граѓанките и граѓаните, ЦИВИЛ придонесува и ќе придонесува за создавање услови за слободни избори.

Учествувајте во нашите активности за јакнење на јавната свест за правата на гласачите!