Македонски
Shqip
English
Еден од двата мобилни тима на ЦИВИЛ - Центар за слобода, кои денеска беа на терен, ги посети општините Македонски Брод, Долнени, Крушево, Демир Хисар и Новаци.
Работниот ден за тимот на ЦИВИЛ, започна во Македонски Брод, каде беа поделени 200 триплети со информативна содржина за проектот Напред!. Сите заинтересирани граѓани имаа можност да ги добијат потребните информации за можноста да бидат набљудувачи, на претстојните предвремени парламентарни избори.
Македонски Брод, 25-ти март 2016
По успешната посета на Македонски Брод, Цивил продолжи во Долнени. На овој начин можноста и долненци да бидат дел од мониторинг тимот, беше поблиска до нив.
Долнени, 25-ти март 2016
Крушево беше третата општина која тимот на ЦИВИЛ ја посети денеска. Поделени беа стотина триплети со потребните информации за проектот Напред!. ЦИВИЛ разговараше и со своите поддржувачи од овој град, од кои се информираше за секојдневните проблеми на крушевчани.
Крушево, 25-ти март 2016
Следна општина на мапата на ЦИВИЛ, беше Демир Хисар. Дел од жителите на оваа општина со кои ЦИВИЛ разговараше, покажаа интерес да бидат дел од тимот на набљудувачи.
Демир Хисар, 25-ти март 2016
Проектот Напред! беше претставен и во општина Новаци. Жителите од оваа општина се информираа за можноста која ЦИВИЛ ја нуди со овој проект, за вклучување на граѓанките и граѓаните во набљудувачкиот процес.
Новаци, 25 март 2016
Со посетата на Новаци, тимот на ЦИВИЛ го заврши успешниот работен ден, во кој беа посетени пет општини и беа поделени неколку стотици триплети со информативна содржина.
Со стотици акредитирани набљудувачи, над 1.000 граѓански набљудувачи и врвен тим на аналитичари и експерти, „Напред!“ е проект за долгорочен мониторинг на изборниот процес, набљудување на денот на изборите, едукација и јакнење на јавната свест за правата на гласачите.
Проектот „Напред!“ се спроведува на национално ниво во 14 регионални центри на ЦИВИЛ и е финансиран со германски средства од Пактот за стабилност на Југоисточна Европа.
Оваа вест е достапна и на: Albanian
